Herriko Ogia, zirkuito-laburreko tokiko sail kolektiboa da
Sailaren sortzea
Gure saila Euskal Herri barnekaldean sortu da 2009an, bi eiherazain independenteren eta Euskal Herriko laborari talde baten arteko elkarlanari esker, ogia egiteko garia berriz sarrarazteko Euskal Herrian.
Eiherazainek beren hornidurak dibertsifikatu nahi dituzte eta beren eskaintza aberasteko borondatea dute, lurraldean eta zirkuitu laburrean ekoitzitako irin batekin.
Halaber, hamar bat laborari ur-baliabidearen mugaz eta artoaren monolaborantzak sortzen duen lurren pobretzeaz jabetzen dira. Beren alorrak dibertsifikatu nahi dituzte, beren etxaldeen iraunkortasuna segurtatzeko.
Azkenik, okinek tokiko irina lantzeko eta kontsumitzaileen beharreri erantzunen duen kalitatezko eta tokiko tradiziozko ogia proposatzeko borondatea adierazten dute.
Horrela, sailako hiru mailak ber erronken inguruan elkartzen dira, duela 40 bat urte Euskal Herrian gelditu den gariaren ekoizpena berriz abiarazteko.
Herriko Ogia zenbakitan :
tona gari, Euskal Herrian ekoiztuak
Frantses tradiziozko irina
Euskal Herrian egin gariarekin, gehigarririk eta kontserbagarririk gabe
okin-ofiziale
tokiko garia eta irinari balio emaiten dutena Herriko bageta ekoiztuz. Beste ekoizpen batzu Herriko irinarekin eginak dira: euskal bixkotxa, bixkotxak (Okina), tokiko garagarnoa (Brasserie du Pays Basque)
Historia
2009 – Lehen gari ekoizpen entseguak
2 laborari – 4 ha – 5,5 t bilduak
2013 – Elkartearen sortzea eta Herriko ogiaren merkaturatzea
7 laborari – 40 ha – ogia egiteko 60 t irin
2017 – 11 laborari – 45 ha – ogia egiteko 250 t irin
2019 – 14 laborari – 70 ha – ogia egiteko 400 t irin
2021 – 15 laborari – 90 ha – ogia egiteko 500 t irin
2023 – 15 laborari – 90 ha – ogia egiteko 320 t irin
2025 – 16 laborari – 98 ha – ogia egiteko 374 t irin
Gure engaiamenduak
Lurraldeko laborantza dibertsifikatu eta baliabideak babestu
Artoaren monolaborantza den lurralde honetan, garia beren alorretako errotazioan sartzera bultzatzen ditugu laborariak, lurren kalitatea begiratzeko. Gainera, garia neguan lantzen da, ez da ureztatu behar. Landareak behar duen ura eskuragarri den memento berean atxemaiten baitu, nasaiki. Horrek abantaila handia emaiten dio, ingurumenari begira.
Eragile guzieri ordainsari xuxena bermatu
Tokiko ekoizpeneri balio erantsia sortu eta, horrela, ordainsari xuxena segurtatu laborari, eiherazain eta okineri.
Janariaren bertokiratzea bermatu, garapen iraunkorrari begira
Ekoiztetik kontsumitzera, urrats guziak Ipar Euskal Herrian iragan dira. Gariaren ekoizpen baldintzek eta bere garraioak alor honek ingurumenean duen eragina arintzen laguntzen dute.
Ingurumena errespetatzen duen laborantza eta kalitatezko ekoizpen bat
Ekoizpen urrats guzietan, eragile guziak sailak finkatu duen baldintza bildumaren errespetatzea engaiatzen dira. Gari landa bakoitza aztertua da, garia Herrikoren baitan erabilia izan aitzin.